Ish-kreyministri Sali Berisha ka zgjedhur një mënyrë ironizuese për t’i kthyer përgjigjen rivalit të tij Fatos Nanos.
Nano i ftuar në emisionin “Opinion”, në një rrëfim pas gati 10 vitesh, tha se Sali Berisha për ndikimin e tij në politikë është një “kafshë politike”, që ka ushqyer në 30 vite konfliktin.
Ai e bëri fajtor Berishën për burgosjen e tij, ndërsa tha se ish-kryeministri i vodhi 4 vitet më të bukura të jetës, nga mosha 39 deri në moshën 43 vjeçare. Vijoi më tej me akuzat se fajtori për vdekjen vdekjes së nënës së tij ishte Berisha.
“Sali Berisha më ka vjedhur katër vitet më të bukura të pjekurisë time. 39 deri në 43 vjeç. Sali Berisha…mund të thuash me plot gojën që më ka vdekur nënën…kur u nisa në Prokurori, i thashë ‘mund të vonohem’, deklaron Nano.
Por ish-kryeministri, Sali Berishavendosi t’i drejtohesh sot me një video ku përfshiheshin disa deklarata të vjetra të Nanos, kur sulmonte Edi Ramën dhe e përshkruante atë si “rrefugjat”.
“Miq, Fajin e ka Saliu!! sb”,-shkruan Berisha në postimin bashkëngjitur videos, e cila është edhe “përgjigjia” e tij për akuzat e Nanos.
“Edi Rama ka një problem moral. E kam marrë me thonj të paprerë si refugjat nga Parisi dhe e kam sjellë të bëjë pjesë në ekipet tona qeverisëse. Unë mund të kem bërë shumë gjëra por e nxorra nga bataku i fyerjeve, nga refugjat dhe shitës ikonash të vjedhura në kohën e Saliut, në ministër dhe kryetar të bashkisë më të madhe të Shqipërisë”.-thotë Nano në videon e postuar nga Berisha.
