Portugezi, Cristiano Ronaldo duket se është në super formë dhe po kalon momente të shkëlqyera te Juventusi. Sulmuesi i juventinëve vazhdon të vendos rekorde jo vetëm në fushë por edhe jashtë saj. Bëhet fjalë për fitimet neto që kanë futbollistët në Serie A dhe sigurisht që vendin e parë e mban Ronaldo.
Sipas një raportimi nga “La Gazzetta dello Sport”, 33-vjeçari portugez përfiton 28 milionë paund në sezon, katër herë më shumë se vendi i dytë në këtë renditje. Shifrat tregojnë se me këtë rrogë Cristiano, merr po aq sa fitojnë në një sezon klube si Crotone, Spezia, Udinese apo dhe Hellas Verona.
Ndërsa në vendin e dytë të kësaj renditje është mbrojtësi i juventinëve, Matthijs de Ligt, i cili përfiton 7.2 milionë paund në vit. Ndërkohë në vendin e tretë ndodhet bomberi i Interit, Romelu Lukaku, me një përfitim prej 6.8 milionë paund në vit. Më posht është lista e dhjetë lojtarëve më të paguar në Serie A.
- 10. Zlatan Ibrahimovic (AC Milan): £6.3m
- 9. Alexis Sanchez (Inter Milan): £6.3m
- 8. Aaron Ramsey (Juventus): £6.3m
- 7. Adrien Rabiot (Juventus): £6.3m
- 6. Paulo Dybala (Juventus): £6.6m
- 5. Edin Dzeko (Roma): £6.8m
- 4. Christian Eriksen (Inter Milan): £6.8m
- 3. Romelu Lukaku (Inter Milan): £6.8m
- 2. Matthijs de Ligt (Juventus): £7.2m
- 1. Cristiano Ronaldo (Juventus): £28m
