Policia e Sarandës ka proceduar penalisht një 44-vjeçar, pasi u kap duke lëvizur i armatosur. Gjatë kontrollit në automjetin tip “Audi” që drejtonte, u gjet një armë sportive e markës “Gamo”, për të cilën ai nuk posedonte leje.
Arma u sekuestrua si provë materiale, ndërsa ndaj shtetasit A. H., banues në Sarandë, nisi procedimi penal.
Ndërkohë, në një tjetër operacion në lagjen nr. 1 të qytetit, policia arrestoi një 21-vjeçar, F. Gj., pas kontrollit fizik dhe në banesën e tij, ku iu gjet një sasi e dyshuar lënde narkotike e llojit cannabis sativa.
Hetimet paraprake tregojnë se i riu e ndante drogën në doza të vogla, me qëllim shpërndarjen, veçanërisht në ambientet e natës.
Të dy rastet janë referuar në Prokurori për vijim të procedurave ligjore.
