Pak më parë policia me anë të një njoftimi lajmëroi se dy persona nga Maqedonia e Veriut, janë mbytur paraditen e sotme në plazhin e Spillesë në Kavajë. Gjithashtu dyshohet se së bashku me dy shtetasit maqedonas në det ka qenë edhe një person tjetër, që dyshohet se është mbytur. Këtë informacion e ka konfirmuar Sekretari i Përgjithshëm i Federatës shqiptare të Vrojtuesve të Plazhit, Gent Lasku.
Lasku në një intervistë për “News 24”, thotë se një grua ka hyrë në të njëjtën kohë në det me maqedonasit por ende nuk është gjetur. Gjithashtu ai sqaron se nuk dihet ende në qoftë se ajo ëshët mbytur apo ka dalë në ndonjë zonë tjetër.
“Ka qenë dhe një grua së bashku me dy shtetasit meshkuj duke u larë trupi i së cilës nuk është gjetur. Është identifikuar me dy meshkujt e vdekur, ka qenë dhe një grua në Spille. Në të njëjtën kohë, së bashku me dy meshkujt ka hyrë në det. Dyshohet për 3 të mbytur. Rikonfirmova dhe dhashë direktivat për të dhënë informacionin e saktë të ngjarjes. Ngjarja ka ndodhur në plazhin publik” – tha Lasku.
Sjellim në vëmendje se ngjarja e rëndë ka ndodhur paraditen e sotme në plazhin e Spillesë. Dy pushues nga Maqedonia e Veriut me iniciale M. M., 79 vjeç dhe C. M., 78 vjeç janë mbytur në det për shkak të dallgëve të mëdha.
