Detaje të reja janë bërë me dije këtë të dielë në lidhje me vdekjen tragjike të 7-vjeçarit shqiptar në det, në Kretë. Mediat greke shkruajnë se ngjarja ka trishtuar gjithë komunitetin e zonës.
Raportohet se në momentin kur ka ndodhur ngjarja, nëna e 7 vjeçarit ka qenë në shtëpi duke u kujdesur për djalin e vogël, i cili kishte diusa muaj që kishte ardhur në jetë. Niokolai, i ka shpëtuar vëmendjes së nënës dhe ka shkuar për tu larë në det, ku dhe është marrë nga dallgët.
“Nikola i vogël ishte me origjinë nga Shqipëria dhe jetonte me prindërit e tij vitet e fundit në Arvi. Sipas mediave vendase, prindërit e tij janë punëtorë kryesisht në serra, njerëz të shkëlqyer siç përshkruajnë bashkëfshatarët e tyre. Të gjithë po flasin për një fëmijë të mrekullueshëm plot energji, gëzim dhe mirësi”, shkruan Protothema.
Kryebashkiaku i Viannos, Pavlos Baritakis, tha për cretapost.gr se “fëmija e donte shumë detin dhe i shpëtoi vëmendjes së prindërve, si pasojë e të cilit humbi jetën”. Në një pyetje lidhur me plazhin, kryebashkiaku i Viannos theksoi se ky plazh i veçantë nuk është i organizuar , pra nuk ka një roje shpëtimi. Gjithashtu, është shkëmbor. Sipas informacioneve të fundit, prindërit kanë qenë në komisariat dhe kanë dhënë deklaratë se si ka ndodhur ngjarja.
Prindërit e Nikolas kishin vite që jetonin në Arvi, në ishullin e Kretës. 7-vjeçari u mbyt një ditë më parë teksa kishte shkuar për tu larë. Fatkeqësisht dallgët e kanë tërhequr nga bregu duke i shkaktuar dhe mbytjen. Ai u gjet nga pushuesit e tjerë, të cilët u munduan ti jepnin ndihmën e parë, por ishte e kotë, Nikola, tashmë kishte ndërruar jetë.
