Kryeministri Edi Rama ka zhvilluar mbrëmjen e sotme një komunikim online me qytetarët duke iu përgjigjur pyetjeve që ata i kishin drejtuar në adresën e tij elektronike.
I pyetur nëse do të ketë rimbyllje, Rama tha se momentalisht mbyllja e dytë e vendit në karantinë nuk ekziston si mundësi duke theksuar se nuk e ka në mendje diçka të tillë po shton se vendimi varet gjithmonë nga shifrat.
Sipas Ramës Shqipëria e tregoi se pas tërmetit dhe pandemisë, ku gjithçka dukej e pamundur, po rifiton ato që humbi dhe po rimëkëmbet. Por sipas tij edhe një mbyllje e dytë si ajo e para, do ishte shumë e rëndë për ekonominë shqiptare, por jo fatale.
Më tej ai i bëri apel qytetarëve mos luajnë me zjarrin, të bëjnë detyrat kundër COVID-19, që qeveria mos detyrohet të vendosë një mbyllje të dytë si në mars të këtij viti.
Më tej një nga qytetarët e pyeti edhe nëse nëse do të ketë një paketë të tretë ekonomike për të ndihmuar bizneset, ndërsa përgjigja e kryeministrit ka qenë se nuk do të ketë një paketë ekonomike, pasi për momentin nuk ka mundësi të krijohet diçka e tillë.
“I dashur së pari njëherë kurajë dhe faleminderit për fjalët e mira. Kemi bërë më të mirën që kemi mundur jo më të mirën që do donim të bënim. E dimë që ka dhe më mirë. Ju lutem te gjithë që duhet të kuptojmë jo vetëm pasojat e mbylljes nga COVID-19 por dhe pasojat nga tërmeti që ishte goditje për ekonominë dhe financat e vendit tonë. Po arrijmë t’i përballojmë deri tani me dinjitet dhe do të kthejmë në shtëpi çdo familje që ka humbur strehën më 26 nëntor ashtu sikundër do kthejmë në shkolla nxënësit dhe mësuesit.
Për momentin nuk kemi parashikuar një paketë të tretë, nëse nuk do duhet të mbyllemi sërish. Ki besim që gjërat do të shkojnë mirë dhe më e mira është para nesh”, deklaron Rama.
https://www.facebook.com/edirama.al/videos/3357504894326791/?vh=e&extid=0&d=n
