Asociacioni i Gazetarëve Shqiptarë ka dërguar në Gjykatën Kushtetuese kërkesën për shpalljen anti-kushtetuese të vendimit të qeverisë për mbylljen e TikTok.
Isa Myraj, në një deklaratë para GJK, theksoi se miratimi i një vendimi të tillë mund të krijonte një precedent të rrezikshëm, duke hapur mundësinë për mbylljen e rrjeteve të tjera sociale apo, në një fazë më të avancuar, edhe të internetit në përgjithësi.
“Nuk mund të shkohet në censurë të plotë dhe mbyllje të rrjeteve sociale. Kjo cënon lirinë e shprehjeve dhe të drejtën ekonomike të qytetarëve shqiptarë. Jemi besimplotë që anëtarët e GJK nuk do ta legjitimojë sepse kjo do të krijojë precedent që mund të çojë në mbylljen e rrjeteve të tjera sociale, apo mbylljen e internetit nga kjo qeveria apo qeveri të tjera që do të vijnë më pas”, tha kreu i Asocacionit për Gazetarët Shqiptarë.
