Ditën e sotme presidenti i vendit Ilir Meta është shprehut i shqetësuar për mbylljen e bizneseve si pasojë e krizës së shkaktuar nga pandemia e koronavirusit.
Me anë të një postimi në Facebook Meta shkruan se kjo është vitrinë me e dhimbshme e pasojave që po lë pas kjo pandemi.
Më tej Meta bëri thirrje për mbështetje ndaj kërkesave të biznesit të vogël përmes një strategjie konkrete dhe efikase, në mënyrë që të shmanget humbja e vendit të punës për mijëra persona.
Reagimi i Metës
Mbyllja e mijëra qepenave të biznesit të vogël në mbarë vendin, është vitrina më e dhimbshme e pasojave tepër serioze dhe të prekshme në ekonominë kombëtare të efekteve negative të pandemisë COVID-19.
Të dëgjohen dhe mbështeten kërkesat e biznesit të vogël, përmes nje strategjie konkrete dhe efikase, për të shmangur humbjen e dhjetëra mijëra vende pune, katastrofat në ekonominë e çdo familje shqiptare dhe frenuar rritjen e mëtejshme të nivelit të papranueshëm të varfërisë.
Kujtojmë se ditët e fundit, nga raportet e publikuara dhe nga raportimet në media vihet re një mbyllje në masë e bizneseve. Përfaqësuesit e bizneseve kanë kërkuar nga qeveria paketa me ndihma ekonomike, por përveç ndihmave që kanë marrë në mars-prill-maj, nuk janë ndihmuar më.
