Është mbyllur rinumërimi i 108 kutive në qarkun e Durrësit. Komisioni i Aneksave dhe Sanksioneve shpalli vendimin përfundimtar pa më parë, dhe LSI nuk arriti të siguronte një mandate.
Nga rinumërimi u la të kuptohej se të gjitha partitë kanë humbur vota, jo rikuperuar. Partia Demokratike ka humbur 38 vota, Partia Socialiste 26, ndërsa Lëvizja Socialiste për Integrim. Ishte LSI subjekti ankimues, që kërkoi rinumërim pas konstatimeve të parregullsive në procesin zgjedhor.
Përfaqësuesi i LSI në KAS, Altin Kaziaj tha se rezultati nuk do të ishte surprizë pasi ishte i njëjti rast sin ë Berat. Ai tha se nuk u respektuan parimet e Kodit Zgjedhor dhe rivlerësimi i votave nuk ka qenë objektiv.
“Nuk kishte surpriza kjo gjë, sepse do të ishte e njëjtë me atë të Beratit. Nuk janë respektuar parimet e Kodit Zgjedhor dhe fryma e ligjvënësit, në pjesën më të madhe të saj. Rivlerësimi i votës nuk ka qenë objektive. Keni marrë qëndrime të tjera. Ne do të ndjekim të gjitha rrugët ankimore për të sjellë në ligjshmëri një tabelë rezultatesh të rivlerësuara gabimisht nga ana juaj. Kërkojmë përfundimisht mosmiratimin e rezultateve të bërë nga ana juaj. Kërkojmë shpalljen e pavlefshmërisë të Qarkut të Durrësit, për shkak të cënimit të fortë që ka pasur në këtë fakt”, ka thënë Kaziaj.
