Protesta e studentëve është mbyllur ditën e sotme pas shumë përpjekjeve dhe peripecive që kanë hequr duke ndenjur çdo natë para kryeministrisë.
Janë 17 ditë rezistencë dhe detyrimisht lodhja bën të vetën, ndaj edhe studentët kanë lajmëruar se do të rikthehen me energji të reja në janar.
Ata nuk kanë hequr dorë nga plotësimi i 8 kërkesave të tyre dhe protestën kanë për ta rikthyer përsëri.
” Të gjithë fakultetet kanë marrë një vendim që sot të jetë dita e fundit e protestës për këtë vit dhe do të rikthehemi përsëri në janar me të gjithë fuqinë dhe me qëndresën tonë të palëkundur ndaj kauzës sonë”, tha njëra nga protesta.
Po nëse kthehemi 17 ditë pas, këto janë ngjarjet kryesore që e kanë pushtuar protestën
- Studentët dolën fillimisht me 4 kushte, që lidheshin me heqjen e tarifave për provimet e prapambetura, pjesmarrja në borde, vota e studentit si edhe përmirsimi i kushteve në konvikte. Pika e parë e kërkesës së tyre u plotësua nga Ministria e Arsimit.
- Pas kësaj fitoreje të tyre studentët shtuan kërkesat dhe çuan në 8 numrin e pikave të tyre, duke vijuar çdo ditë protestën, e cila fillimisht u përqendrua te Ministria e Arsimit.
- Kulmi i protestës ishte më 11 dhjetor, kohë kur pjesmarrja arriti limitet e rrugës së Durrësit, e cila u tejmbush me studentë, gjimnazistë dhe qytetarë.
- Afati i vendosur nga studentët për Kryeministrin ishte ora 16.00 për të marrë përgjigjen me plotësimin e pikave.
- Pas kësaj mungese, ata e zhvendosën protestën sa te Kryeministria, Ministria e Arsimit dhe Zogu i Zi, ku bllokuan rrugën.
- Përgjigja e vetme që morën studentët nga Kryeministri ishte ftesa për dialog në rrjetet sociale. Por, studentët e refuzuan.
- Megjithatë, Kryeministri zgjodhi të shkojë vetë nëpër Fakultete dhe të flasë me studentët, por nuk u mirëprit nga ta.
- Ndonëse Rama ka bërë me dije se është dakort me pikat e tyre në parim, vetë studentët nuk mjaftohen me këtë deklaratë, por kanë kërkuar vendim me shkrim për to.
- Këto 8 kërkesa, nëse nuk do të jenë plotësuar deri në janar, do të rikthejnë studentët në protestë.
