Për mbylljen e protestës Lulzim Basha ka dhënë një mesazh të qartë i cili duhet thënë se nuk ishte aspak paqësor.
Basha ka thënë se qytetarët duke filluar prej ditës së sotme nuk do të njohin përveç Kuvendit edhe Policinë e Shtetit e cila ka ushtruar dhunë ndaj qytetarëve. Për kreun e PD-së kushdo që i del në krah Ramës do të shpallet tradhtar, ku nuk ka kursyer edhe analistët në studiot televizive.
Megjithatë nuk duhet të harrojë se një pjesë e mirë e popullsisë sonë mbështet kryeministrin Rama, a do të thotë që dhe këta qytetarë do të shpallen tradhtar?
Kjo ka qenë një deklaratë e fortë sidomos kur Basha ka kërkuar mosbindje civile, gjë e cila do të thotë që dhuna mund të jetë e pashmangshme.
Reagimi i Bashës:
Shqiptarët u mblodhën për ti treguar mbarë Botës se ky vend ka zot. Sot Edi Rama përdori dhunën e tepërt ndaj qytetarëve që protestojnë në paqe. Kemi vetëm një bandë hajdutësh që kanë marrë peng institucionet, kriminelët nuk arrestohen, por bëhen deputetë dhe kryetarë bashkish, ndërsa qytetarët goditen.
Ne nuk e njohim jo vetëm Kuvendin, po as policinë e krimit, mosbindja civile do të shtrihet nga jugu në Veri. Çdokush me uniforma apo pa uniformë që është në krah të bandës së hajdutëve të Edi Ramës, është tradhëtar i shqiptarëve dhe do të arrestohet nga qytetarët shqiptarë.
