Është përmbyllur procesi i numërimit të votave në të dy Komisionet Zonale të Administrimit Zgjedhor në Lushnje, për zgjedhjet e 11 majit.
Numërimi ka përfunduar në orët e para të mëngjesit dhe është zhvilluar pa asnjë incident.
KZAZ nr. 56 – Qyteti dhe zonat përreth Lushnjes
Në këtë zonë u numëruan 64 kuti votimi. Nga 43,090 votues të regjistruar, votuan 17,650 qytetarë, ndërsa 486 vota rezultuan të pavlefshme.
Rezultatet:
• Partia Socialiste (PS): 10,531 vota
• Partia Demokratike (PD): 4,812 vota
• Shqipëria Bëhet (Sh.B.): 598 vota
• Partia Mundësia: 435 vota
• Partia Socialdemokrate (PSD): 54 vota
KZAZ nr. 55 – Njësitë administrative të bashkisë Lushnje
Në këtë zonë përfshihen njësitë administrative të bashkisë. U numëruan votat në 92 qendra votimi, me 24,890 pjesëmarrës, nga të cilët 1,071 vota u shpallën të pavlefshme.
Rezultatet:
• Partia Socialiste (PS): 15,847 vota
• Partia Demokratike (PD): 5,782 vota
• Shqipëria Bëhet: 1,206 vota
• Partia Mundësia: 446 vota
Në të dy zonat zgjedhore të Lushnjes, Partia Socialiste ka dalë fituese, duke ruajtur një avantazh të qartë ndaj forcave të tjera politike.
