Është mbyllur pjesa e parë parë e sfidës mes Anglisë dhe Shqipërisë që po luhet në stadiumin “Air Albania”. Kanë qenë anglezët ata që kanë shënuar golin e parë me anë të sulmuesit Harry Kane duke kaluar në avantazh. Goli është shënuar në minutën e 38-të nga një aksion pa shumë pretendime, por falë të cilit kapiteni anglez arriti të kalonte në avantazh skuadrën e tij. Po ashtu Kane humbi një tjetër mundësi në mbyllje të pjesës së parë të ndeshjes.
Në minutën e 13-të sulmuesi i kombëtares shqiptare, Myrto Uzuni humbi një rast të artë, për të kaluar të besuarit e Rejës në avantazh.
Shqipëria vjen në këtë ndeshje pas fitores 1-0 në Andorra, ndërsa anglezët shkatërruan San Marinon me rezultatin 5-0. Ndeshja e sotme do të jetë mjaft e vështirë, pasi Anglia është pretendentja kryesore e Grupit I dhe arriti të shënonte që në pjesën e parë. Trajneri Edi Reja ka zgjedhur të ndryshojë formacion ditën e sotme, duke luajtur me skemën 4-3-3. Në postë Berisha, në mbrojtje Gjimshiti, Veseli, Ismajli, Hysaj, mesfusha përbëhet nga Memolla, Bare, Laçi, ndërsa Uzuni, Cikalleshi, Broja janë në sulm.
Po ashtu Anglia luan me skemën 4-3-3 me Pope, Uoker, Meguajër, Stons, Shou, Foden, Rajs, Filips, Maunt, Stërling. Kejn, Trajner: G. Southgejt.
