Është mbyllur pak minuta më parë protesta e dytë kombëtare e thirrur nga Aleanca për Mbrojtjen e Teatrit.
Kjo protestë ishte paqësore dhe nuk u shënua asnjë incident.
Në këtë tubim mbajtën fjalën artistë, aktivistë e qytetarë të cilët iu bashkuan edhe protestës së ditës së sotme.
Regjisori Robert Budina ka bërë me dije se protesta do të vijojë të nesërmen, në orën 11.
Aleanca për Mbrojtjen e Teatrit do të zhvendosë protestën tek Prokuroria e Rrethit Tiranë.
Po ashtu regjisori Budina shtoi se në ditët në vazhdim do të ketë aktivitete në shumë qytete të tjera dhe do të firmoset një peticion për rindërtimin e Teatrit Kombëtar, sic ishte dhe ku ishte.
Budina shtoi:
Nesër në orën 11: 00 jeni të ftuar para SPAK ti nxisim të fillojnë hetimet. Nga dita e pasnesërme do dalin qytet më qytet të mbledhin firmat që teatri të jetë aty ku duhet.
Nëse nuk reagon prokuroria do bëjnë më dije si do veprojmë. Ne do fitojmë me paqe dhe qytetari. Se kur do të vazhdojmë në Tiranë do ua bëjmë me dije.
