Me një diferencë të madhe votash Armando Subashi ka arritur të sigurojë n jë mandat të tretë në bashkinë e Fierit. 35.280 vota para ishte Subashi nga kanditati i Bashkë Fitojmë, Evdar Kodheli i cili siguroi vetëm 10.078 vota. Ndërsa kandidatja tjetër, Eriselda Zotaj Celaj që ka marrë 5529 vota.
Procesi i numërimit është administruar nga 3 KZAZ të cilat kanë numëruar 224 kuti të katër rajoneve të Fierit dhe nëntë njësive administrative.
Armando Subashi garoi në zgjedhjet e 14 majit për mandatin e tretë në krye të bashkisë së Fierit, duke fituar bindshëm ndërsa në fund të këtij procesi u shpreh se kjo ishte një fitore historike.
Subashi: Fakti që opozita është e përçarë është një këndvështrim, por mundet që kjo të vlejë atje ku ke një kundërshtar.
Kur ke dy kundërshtarë nuk vlen kjo.
E kishim parashikuar një rezultat të tillë. PS është një parti e strukturuar më së miri e ka një përvojë të jashtëzakonshme në betejat elektorale.
Puna e imët organizative gjatë këtyre javëve është një nga çelësat e fitores tonë që mund ta quaj historik, me rreth 70 përqind.
Kujtojmë se Partia Socialiste ka marrë shumicën dërrmuese të bashkive në vend. Kampi socialist deri tani ka marrë 42 bashki ku ka përfunduar votimi, përfshirë edhe bastionet historike të opozitës si Shkodra, Tropoja, Devolli dhe Kukësi. Nga ana tjetër koalicioni “Bashkë Fitojmë” ka fituar 6 bashki duke e tkurrur hartën e demokratëve me humbjen e bastioneve. “Bashkë Fitojmë” ka fituar Pukë, Has, Himarë, Memaliaj, Mirditë, Fushë Arrëz.
