Pas 5 orësh mbledhjeje, më në fund në përfundim të mbledhjes së këtij grupi parlamentar të Partisë Demokratike, Lulzim Basha është vendosur në dispozicion për të gjetur një zgjidhje për të përbashkuar demokratët. Basha shtoi se sot është bërë një analizë e gjendjes dhe se nuk ka kërkuar justifikime apo koka turku.
“Ajo që dua t’ju them sot është se ka pasur një diskutim të gjatë dhe kam konstatuar se na përbashkon ajo që e kam thënë vendossmëria për të bërë gjithsccka për të bashkuar PD. Si kryetar përgjegjësia kryesore bie mbi mua dhe vura veten në dispozicion të një zgjidhje të kësaj situate”, tha fillimisht Basha.
Pse nuk e dhatë dorëheqjen? “Sot është bërë njuë analizë e gjendjes, ka parë mundësitë e përbashkimit nuk ka kërkuar koka turku dhe justifikimi. Për mua gjëja më e rëndësishme është bashkimi i demokratëve. Sa më takon mua jam në dispozicion të zgjidhjes me gjithçka që kam në dorë”, tha Basha.
Mbledhje e grupit të PD, zgjati për rreth 6 orë ndërsa u shoqërua me debate të forta mes demokratëve.
Kujtojmë se gjatë mbledhjes në selinë blu pati përplasje mes deputetit Ervin Salianji dhe Bashës. Salianji ka folur për konfliktin që ndodhi brenda selisë blu ku u zhvillua takimi me grupin parlamentar të PD-së ku pohoi se ka pasur një përplasje përtej limiteve me Bashën dhe militanten e tij por nënvizoi se nuk ndihet i frikësuar teksa konfirmoi edhe një herë se kishte kërkuar dorëheqjen e kryetarit.
