Ministrja e Shëndetësisë, Ogerta Manastirliu ka reaguar ditën e sotme me një postim në rrjetin e saj social Facebook ku vjen me një apel drejtuar qytetarëve shqiptarë që të vaksinohen kundër koronavirusit.
Përmes një mesazhi në rrjetet sociale, Manastirliu theksoi se deri më tani janë vaksinuar 700 000 qytetarë.
Postimi i plotë i ministres Manastirliu:
“Vaksinohuni, vaksinohuni, vaksinohuni, 700 000 qytetarë plotësisht të vaksinuar me dy doza. Mbroni jetë”, shkruan ministrja.
Kujtojmë se nuk janë të paktat rastet kur ministrja e Shëndetësisë Ogerta Manastirliu dhe jo vetëm por edhe figurat e tjera u kanë bërë apel qytetarëve për t’u vaksinuar pasi përpos masave të tjera kufizuese, vaksinimi shihet si mundësia e vetme për të parandaluar përhapjen e varianteve të reja të koronavirusit. Masat kufizuese janë shtuar duke filluar që më orain i cili është shkurtuar por edhe tek masat e tjera. Vaksinimi mbetet ende një detyrim për këdo për të mbrojtur veten edhe të tjerët që n’a rrethojnë. Madje nuk janë të pakta edhe rastet kur qytetarët kanë dalë duke protestuar për vaksinimin e detyrueshëm pasi sipas tyre vaksina ende mbetet një zgjedhje e e lirë për këdo, dhe askush nuk mund të ta imponojë diçka të tillë nëse nuk je dakort për t’u vaksinuar.
