Franca ditën e djeshme ka aprovuar se në shtator do të aplikoj dozën e tretë të vaksinës për të parandaluar variantet e reja të COVID-19.
Po ashtu edhe Shtetet e Bashkuara të Amerikës, pritet që të autorizojnë aplikimin e dozës së tretë të vaksinës kundër koronavirusit tek personat që e kanë sistemin imunitar të dobët. Aplikimi i vaksinës së tretë anti-COVID do të bëhet për t’i mbrojtur qytetarët nga varianti ngjitës që është në qarkullim, “Delta” apo i quajtur ndryshe edhe si varianti indian.
Sipas mediave vendase dritën jeshile për përdorimin e dozës së tretë të vaksinës, pritet ta japin Administrata për ushqimet dhe ilaçet , FDA. Pritet që vendimi përfundimtar të vijë në orët në vazhdim.
Vendimi për të zgjeruar përdorimin emergjent të vaksinave të Pfizer dhe Moderna, synon të ndihmojë personat me deficenca imunitare, përfshirë ata që u janë nënshtruar transplanteve të organeve.
Sjellim në vëmendje se Franca është nga të parat shtete që do të nisi aplikimin e dozës së tretë për grupet të cilat janë më të rrezikuara, duke filluar nga muaji shtator.
Lajmin e ka bërë të ditur ditën e mërkurë zëdhënësi i qeverisë Gabriel Attal. Gjithashtu u morën masa për të frenuar përhapjen e COVID-19 në Francë, autoritete kanë vendosur të shtojnë edhe kontrollet kufitare. Të gjithë personat që futen në Francë do ti nënshtrohen testeve të shpejta.
