Prej muajsh tashmë mbajtja e maskës është e detyrueshme në vendin tonë, pavarësisht ambientit ku je, mes grupe njerëzish ose jo.
Në mbledhjen e zhvilluar dje, Komiteti Teknik e theksoi sërish mbajtjen me detyrim. Me një përllogaritje të thjeshtë, maska qëndron e pahequr gati çerekun e ditës.
Por sesa e shëndetshme është mbajtja e maskave tregohet dhe nga qëndrimet e ndryshme që kanë mbajtur ekspertët në vendin tonë dhe jo vetëm.
Fillimisht, kur u evidentuan dhe rastet e para me Coronavirus në vendin tonë, shumë prej ekspertëve të shëndetit dhe mjekëve në vendin tonë, duke nisur nga Pëllumb Pipero, bënte thirrje vazhdimisht se mbajtja e maskës ishte e dëmshme, pasi shumë brej baktereve qëndronin të ngecura në maskë, rrjesdhimisht nuk thithej ajër i pastër.
Në fillimet e pandemisë, edhe vetë kryeministri Edi Rama ishte i mendimit se maskat nuk i mbronin personat jo pozitivë, por madje i dëmtonin ata.
Por kur pandemia e përfshiu gjithë vendin, mjekët dhe ekpertët dnryshuan mendim. Sipas tyre maska ishte domosdoshmëri, pasi ishte evetmja mënyrë e mbrojtjes në një kohë që gjithë vendi u infektua.
Madje tani, që shifrat kanë arritur të kapin kulmin, shumë studime tregojnë se jo vetëm një, por dy maska do të ishin më efektive, duke harruar gjithë problemet shëndetësore që mund të shkaktojnë te përdoruesit.
Qendrat për Kontrollin dhe Parandalimin e Sëmundjeve (CDC), përmes një eksperimenti, tha se një maskë kirurgjikale apo maskë pëlhure, bllokon 40% të grimcave të madhësisë së koronavirusit. Por një maskë pëlhure e vënë mbi një maskë kirurgjikale bllokoi 80% të grimcave.
Ndryshimi i qëndrimit mbi përdorimin e maskave, ka pësuar ndryshim jo vetëm në vendin tonë, por edhe në shtete të tjerta.
Në fillim të pandemisë, zyrtarët e shëndetësisë u thanë amerikanëve që të mos përdorin maskat, sikurse ishte edhe postimi një vit më parë në Tëitter nga zyrtari më i lartë i shëndetësisë amerikane Jerome Adams, i cili thoshte “Seriozisht njerëz – NDALONI BLERJEN E MASKAVE!”
Më pas, zyrtarët e shëndetësisë rekomanduan përdorimin e maskave kur nuk mund të ruhej distanca fizike. Më pas kjo ndryshoi, ndërsa u rekomandua përdorimi i maskave në mjediset publike.
