Drejtori i Urgjencës Kombëtare Skënder Brataj bëri të ditur se janë ulur vizitat mjekësore në banesa për rastet Covid. Nga konferenca e Komitetit Teknik, Brataj u shpreh se Tirana është qyteti me rrezikshmërinë më të lartë, i ndjekur nga Fieri, Vlora dhe qytete të tjera me radhë.
‘Vazhdon monitorimi i situatës. Jemi në 1 mijë e 700 thirrje në 24 orë. Ka një ulje të numrit të vizitave në banesë, jemi në 400. Nga 223 që ishim në fillim të marsit, tani jemi 100. Kryeson Tirana, Fieri, Vlora, Durrësi. 53.6% janë trajtuar në banesë. Ajo që theksuam është përhapja në bashki, sot jemi nga 10 deri në 20 vizita në zona të vogla. Do tu kërkonim qytetarëve që të respektojnë masat pasi nuk ka mbaruar ende beteja.’
Ditën e sotme është mbledhur Komiteti Teknik i Ekspertëve. Kjo konferencë ishte e papritur, mirëpo në nisje të fjalës së saj Mira Rakacolli bëri të ditur se do të informojnë në masat e reja anti-covid.
E vetmja masë e re e ndryshuar ishte rikthimi i maturantëve në ambientet e shkollës, ndërsa ora policore dhe masat e tjera do të vijojnë po njësoj.
“Duke u bazuar në shifrat e SARS-COV 2 në moshat 15-20 vjeç, maturat të fillojnë mësimin në klasë. Është një masë vijimësia e të cilës do të kushtëzohet nga shifrat që do të monitorohen. Maturat duhet të zbatojnë me shumë rigorozitet protokollet e sigurisë për mbrojtjen. Masat e tjera do të mbeten njëlloj, siç është ora policore nga ora 20:00-06:00. Baret e restorantet do të punojnë deri në orën 20:00 dhe njëkohësisht mësimi do të vazhdojë online për të gjitha pjesët e tjera të sistemit arsimor”, deklaroi Rakacolli.
Masat që mbeten në fuqi:
Vendi do të mbyllet gjatë fashës orarë 20:00-06:00.
Qytetarët nuk lejohet që të levizin gjatë kësaj fashe orare.
Përjashtim bëjnë rastet e emergjencave shëndetësore dhe për arsye pune. Në rastin e fundit duhet të keni lejen e posaçme.
Gjatë kësaj faze orare nuk lejohet aktiviteti i bareve, restoranteve, klubeve, nga ora 20:00 e mbrëmjes – 06:00 të mëngjesit. Përjashtim bëjnë shërbimet delivery.
Shkollat e mesme në zonat e riskut të lartë vijojnë online përveç maturantëve.
Universitetet do të vijojnë me mësimin online.
Fluturimet me Britaninë e Madhe mbeten të pezulluara
