Rritja alarmante e çmimeve ka qenë një nga çështje më të diskutuara kohët e fundit, ku gjithashtu janë zhvilluar 6 protesta nga ana e qytetarëve.
Theksojmë se çmimi i naftës kapërceu duke u rritur brenda ditës dhe duhej që bordi të vendoste një standart në mënyrë që situata të normalizohej.
Ndërkohë që Bordi i Transparencës ka bërë me dije se ditën e sotme dhe të nesërme, cmimi i naftës dhe benzinës ka zbritur nga 217 në 211 lekë/litër.
Në mbledhje u vendos:
Çmimi i shitjes me pakicë i nënproduktit gasoil i standardit SSH EN 590 të jetë 211 lekë/litri, ndërsa i shitjet me shumicë 206 lekë/litër.
Çmimi i shitjes me pakicë i nënproduktit benzinë e standardit SSH EN 228 të jetë 211 lekë/litri,ndërsa i shitjet me shumicë 206 lekë/litër.
Çmimi i shitjes me pakicë i nënproduktit gaz, të jetë 93 lekë/litri me pakicë për automjetet, duke mbetur i pandryshueshëm nga mbledhja e fundit e bordit.
Këto çmime do të jenë të vlefshme për periudhën 15-16 mars 2022, pas kësaj bordi do të rimblidhet nesër për të bërë me dije pasqyrimin e çmimeve të shitjes.
Çdo operator i shitjes me shumicë dhe pakicë i nënprodukteve të naftës që kryen shkelje, do të marrë penalitetet e përcaktuara në Aktin Nortmativ.
Bordi do të rimblidhet nesër për të bërë me dije pasqyrimin e çmimeve të shitjes, mirëpo mbetet enigmë se si do të vijojë çmimi në ditët në vijim.
