Ditën e sotme po zhvillohet mbledhja midis dy qeverive, asaj të Shqipërisë dhe Kosovës. Në fjalën e kryeministrit Rama nuk kanë munguar batutat, ku me ironi Rama thumboi të gjithë ata që komentojnë raportin e tij me kryeministrin Albin Kurti.
Rama tha se para se të niste mbledhja po lehte një qen, që kryeministri zgjodhi ta krahasojë me ato që futin “xixa” midis tij dhe Kurtit.
“Faleminderit edhe për ndalimin e shiut, se ka pas herë pas here reshje. Ishte një qen aty që lehte, por nuk lehu më, çka mbase jem një mesazh për të ngjashmit e tij në botën e njerëzve, që kërkojnë të fusin zakonisht xixa mes nesh dhe kërkojnë të shikojnë me patjetër çështje të hapura mes meje dhe homologut këtu. Nuk ka të tilla, sepse ne jemi shumë të hapur dhe çështje për të cilat nuk merreshim vesh, kemi kënaqësinë e madhe t’i ndajmë duke u marrë vesh të mos merremi vesh. Kështu që me të falat përkatëse për qenin unë e konsideroj të hapur këtë mbledhje”, tha Rama.
Kujtojmë që një ditë para mbledhjes së rëndësishme, kryeministri Edi Rama ka premtuar se do të heqë të gjitha tarifat doganore mes Shqipërisë e Kosovës
Rama ka vizituar një fabrikë prodhimi mielli dhe ka bërë të ditur se qeveria që ai drejton, do t’i heq të gjitha tarifat doganore me Kosovën, duke nisur nga produktet bujqësore.
