Pas thirrjes së ditës së sotme nga Asambleja e Përgjithshme e Kombeve të Bashkuara për parandalimin, gatishmërinë dhe partneritetin kundër epidemive, u konfirmua se 27 dhjetori do të jetë Dita Ndërkombëtare e Gatishmërisë Epidemike.
Në fjalimin virtual në Ditën Ndërkombëtare të Gatishmërisë për Epideminë, e cila do të mbahet çdo vit nga Asambleja e Përgjithshme e Kombeve të Bashkuara, drejtori i përgjithshëm i Organizatës Botërore të Shëndetësisë, Tedros Adhanom Ghebreyesus paralajmëroi se Covid-19 nuk do të jetë pandemia e fundit që do të njohë bota.
Në lidhje me këtë problematikë, kreu i OBSH-së, bëri thirrje se duhet të investohet në përgatitjet për t’u përballur me një pandemi të tillë.
Shumë epidemiologë dhe ekspertë kanë deklaruar se covid-19 është vetëm maja e ajsbergut, pasi në dhjetë vjeçarët në vazhdim, njerëzimi do të përballet me shumë pandemi të tjera.
Shumë filantropë dhe pasanikë botëror, përfshirë edhe Bill Gates, janë shprehur se shkenca duhet të investojë më shumë te pjesa kërkimore ndaj viruseve, pasi realisht sipas tyre, njerëzimi tashmë luftën do ta ketë me një armik të padukshëm.
Mendohet që brenda dekadës së ardhshme, bota mund të pësojë edhe katër pandemi të tjera, që do të bëjnë “kërdinë” në jetë njerëzore.
Mirëpo këto hipoteza mbeten më shumë në kuadrin edhe të deklaratave të konspiracionistëvë./Gazetareforma.com/
