Liza Marku, Njihet tashmë si “nënë Liza” e ‘5 Majit’ e cila u bë e famshme gjatë protestave të banorëve të 5 Majit. Nënë Liza ka vendosur të qëndrojë deri në fund për mbrojtjen e shtëpisë së saj.
Ditën e sotme, Liza Marrku ishte e pranishme në mbledhjen e Komisionit të Ligjeve ku po bëhej një dëgjesë për çëshjten e banorëve të “5 Majit”.
Ajo ka treguar vuajtjet që ka përjetuar me policinë e shtetit, duke i akuzuar se e kanë marrë zvarrë dhe një drejtues policie i ka folur me fjalor banal duke i thene “do marrësh lesht”. Banesa e saj ishte një nga godinat e shembura dhunshëm me urdhër të Bashkisë së Tiranës më shume se një javë më parë ndërsa shume familjarë u dhunuan dhe u shoqeruan nga Policia e Shtetit.
Nënë Liza tha para Komisionit të Ligjeve se askush nuk i ka ofruar marreveshje për nje banesë tjetër ndërsa ka hedhur akuza ndaj Edi Rames dhe Erion Veliaj se nuk kanë pranuar të ulen me qytetarët, për tu dhënë zgjidhje pas shembjes së banesës. Mesa duket kjo nuk i ka pëlqyer kryetares së Komisionit, Klotilda Bushka, e cila i tha se duhet të flasë për hallin e saj dhe jo për politikë.
“Nëna Liza keni ardhur për politikë apo për problemin që keni? Zonja Liza ju kemi ftuar që të flisni për problemin që keni. Të flasi zonja për shqetësimin e vet dhe pastaj do të marrin fjalën të gjithë”, tha Bushka.
“Prit, prit… Unë dua kontratën e rregullt… Unë do rri të vdes në rrënoja dhe s’dal nga shtëpia. Mos tu vijë keq fare unë jam malësore dhe s’tremben as prej teje. 16 me 9 e kam tensionin tani. Duro njëherë, kryesorja se je grua. Unë i kërkoj kryetarit të bashkisë kontratën e rregullt, me vulë dhe firmë”, iu pergjigj Liza.
