Pas mbarimit të mbledhjes së Këshillit Politik të Reformës Zgjedhore, deputetja Rudina Hajdari ka ngritur tonet ndaj Gjiknurit dhe Vasilit.
Ajo ka deklaruar se gjatë mbledhjes, Gjiknuri foli në emër të Vasilit dhe se ata i shkelnin syrin njëri-tjetrit.
Sipas saj kjo ishte qershia mbi tortë gjatë gjithë mbledhjes.
“Dhe njëherë, këta ja shkelin syrin njëri-tjetrit. Në momentin që diskutohej për ndryshimin e sistemit zgjedhor Damian Gjiknuri foli në emër të Petrit Vasilit, kjo ishte qershia mbi tortë.
Unë jam kthyer nga Amerika vetëm për ndryshimin e sistemit zgjedhor. Duhet ta ndryshojmë se përndryshe kemi tre veta që ulen aty dhe bëjnë një marrëveshje.
Unë për këtë do t’i shkoj deri në fund. Kjo është ajo që ne duhet të themi. Ose ndryshojmë sistemin, ose do të mbetemi në dorën e këtyre njerëzve që i kanë harruar qytetarët”, u shpreh Rudina Hajdari.
Nga ana tjetër, Gjiknuri ka bërë me dije se të gjitha ndryshimet në Kodin Zgjedhor, kërkojnë ndryshime në Kushtetuese, që sipas ekspertëve nënkupton shkeljen e afateve.
Po ashtu Gjiknuri pranoi se kërkohet ndryshim i sistemit zgjedhor dhe se PS është e gatshme të prezantojë propozimet e saj.
