Presidenti i Bolivisë, Luis Arce, ka shpallur emergjencë kombëtare për shkak të shirave të rrëmbyeshëm dhe përmbytjeve masive që kanë shkaktuar mbi 50 viktima dhe kanë detyruar mbi 100,000 njerëz të evakuohen.
Reshjet e dendur, që kanë prekur të gjitha rajonet e vendit, kanë çuar në shpalljen e një zone fatkeqësie dhe tre të tjerave në gjendje të jashtëzakonshme. Më shumë se 370,000 familje janë prekur nga kjo situatë.
Bolivia, e cila përjeton sezonin e shirave nga nëntori në mars, këtë vit është përballur me reshje jashtëzakonisht të zgjatura dhe intensive. Për të ndihmuar në krizën humanitare, Kongresi pritet të miratojë një hua prej 75 milionë dollarësh nga Banka e Zhvillimit të Amerikës Latine dhe Karaibeve (CAF).
Shpallja e emergjencës do t’i lejojë qeverisë të përshpejtojë furnizimet dhe ndihmat për komunitetet e goditura, ndërsa autoritetet mbeten në gatishmëri për të shmangur rreziqe të mëtejshme.
