Mbrëmjen e djeshme, në zonën e “Don Boskos” në Tiranë ndodhi një atentat ku mbeti viktimë banakierja e një lokali dhe u plagosën 5 persona të tjerë. Ndërkohë që detaje të reja janë zbardhur mbi jetën e vështirë të viktimës aksidentale të atentatit, Mimoza Pajës. Mikesha e saj ka folur për “News 24” ku ka treguar se Mimoza kishte një jetë të vështire me probleme të theksuara ekonomike. Madje ajo shton se në lokalin ku Mimoza punonte mblidhte dhe kanoçe. Përtej kësaj, ishte e detyruar të punonte 16 orë për të siguruar nevojat e saj jetike. 58-vjeçarja jetonte me qira dhe e kishte të vështirë të kryente pagesat mujore. Mikesha e saj shprehet se një moment, Mimoza i ka thënë asaj që kishte rreth 6 muaj që nuk kishte mundur të paguante qiranë e shtëpisë në të cilën jetonte.
“Ishte e varfër. Në lokalin ku punonte më parë përveç punës që bënte mblidhte edhe kanoçe. Ndërsa në lokalin e Fatjon Muratit, Mimoza punonte 16 orë, dy turne”, është shprehur mikesha e Mimoza Pajës. viktimës së atentait të mbrëmshëm që ndodhi në Don Bosko të Tiranës.
Mimoza Paja nënë e katër fëmijëve, 3 vajza dhe një djalë, mbeti u vra aksidentalisht, pas atentatit të kryer në lokalin e Muratit.
