Mesazhet dhe telefonatat në Viber apo WhatsApp nuk janë më sekrete.
Sipas gazetës “Shqip”, në Shqipëri ka mbërritur një pajisje që përgjon komunikimet në këto aplikacione.
Aparatura për momentin ndodhet tek godina e “Polit të Drejtësisë”.
Nuk është hera e parë që tentohet të futet në Shqipëri një pajisje e tillë.
Edhe në kohën kur kryeprokuror ishte Adriatik Llalla u bë një tender, por u anullua pas dekonspirimit në media.
WhatsApp është një nga aplikacionet më të përdorura në botë për dërgimin e mesazheve dhe për telefonata.
Tashmë duhet të bëni kujdes kur të komunikoni me dikë nëpërmjet këtyre aplikacioneve, pasi nuk do të jeni të vetmit që do t’i lexoni mesazhet.
