Pak momente më parë ka mbërritur në Rinas avioni i parë me 47 shqiptarë të riatdhesuar nga Turqia.
Avioni është nisur mëngjesin e sotëm nga Stambolli dhe ka mbërritur rreth orës 10:00 në Rinas.
Jashtë aeroportit ndodhen në gatishmëri dy autobusë, për të transportuar qytetarët drejt Durrësit, ku do të karantinohen për 14 ditë në hotele.
Secili prej tyre do të ketë dhomën e tij në hotel dhe do të kontrollohet përditë gjatë periudhës së karantinimit 14 ditor.
Ndërkohë më parë i janë bërë kontrollet në aeroport.
Kujtojmë këtu se kryeministri Edi Rama pak ditë më parë bëri me dije, se qeveria do të mundësojë pagesën prej 14 eurosh të fjetjes, ndërsa 7 euro për ushqimin, të riatdhesuarit duhet ta paguajnë vetë.
