Kroçera M/V Hamburg ka mbërritur këtë mëngjes në portin e Vlorës, duke ardhur nga Greqia dhe duke lundruar nën flamurin e Panamasë. Në bord ka pasur 271 turistë, shumica prej të cilëve janë francezë, anglezë dhe gjermanë.
Turistët do të vizitojnë disa vende turistike të Vlorës dhe Fierit, përfshirë kryesisht site arkeologjike, dhe më pas, në orën 22:00, do të nisen për në Durrës për të vazhduar turin e tyre që përfshin edhe destinacione të tjera.
Festim Skëndaj, përgjegjës për të dhënat e pasagjerëve në portin detar të Vlorës, theksoi se kjo është kroçera më e madhe që ka vizituar ndonjëherë këtë port dhe e konsideron këtë ngjarje si një shenjë pozitive për sezonin turistik të ardhshëm.
