Kryeministri i vendit Edi Rama, me anë të një postimi në rrjetet sociale ka njoftuar se në vendin tonë kanë mbërritur 25 mijë doza të vaksinës ruse Sputnik. Gjithashtu kryeministri ka theksuar se ritmet e vaksinimit do të vazhdojnë të rriten dhe se objektivi i 1/2 milionë do të arrihet në pjesën e parë të muajit.
“Mbërrijnë 25 mijë doza të tjera të vaksinës SPUTNIK, Ritmet e vaksinimit do të vijojnë të rriten dhe objektivi i 1/2 milionë të vaksinuarve brenda majit do të arrihet në pjesën e parë të muajit”, thekson Rama.
Nga ana tjetër ministrja e Shëndetësisë dhe Mbrojtjes Sociale, Ogerta Manstirliu ka se procesi i vaksinimet do të vazhdoj të intensifikohet. Deri më tani kanë mbërritur në Shqipëri 728 mijë doza të vaksinës anti-COVID.
Prej fillimit të vaksinimit në vendin tonë janë kryer në total 453,255 doza të vaksinës ndaj COVID19, prej të cilave 353,491 vaksinime për persona mbi 60 vjeç.
Gjithashtu procesi i vaksinimit ka përfunduar për bluzat e bardha, uniformat blu, gazetarët e terrenit dhe për operatorët turistik. Gjithashtu pak ditë më parë Ministrja e Shëndetësisë, Ogerat Manstirliu ka njoftuar se do të vazhdoj vaksinimi për shoferët e autobusëve dhe personave që janë të rrezikuar. Gjithashtu vaksinimi po vazhdon për moshën mbi 60 vjeç dhe të sëmurët kronik.
