Mbrëmjen e sotme kanë mbërritur në vend 117 mijë doza të vaksinës anti-Covid të Pfizer, që janë pjesë e kontratës prej 500 mijë doza që do të vijnë deri në dhjetor. Lajmin e ka bërë me dije ministrja e Shëndetësisë, Ogerta Manastirliu, e cila shkruan se qeveria është e vendosur të garantojë vaksinat falasa për çdo qytetar, deri në fund të pandemisë.
“Sapo mbërritën 117,000 doza të vaksinës Pfizer, pjesë e kontratës së dytë prej 500 mijë dozash që do të vijnë brenda vitit
2,379,960 vaksina kanë mbërritur deri tani, për të vijuar vaksinimin anticovid, për mbrojtjen e jetës dhe shëndetit të qytetarëve.
Jemi të vendosur të garantojmë vaksinat falas për çdo qytetar, deri në fund të përballjes me pandeminë”, shkruan Manastirliu.
Ndërkohë, ditën e sotme në vendin tonë janë raportuar 217 raste me Covid-19, ndërsa ëntë qytetarë kanë humbur jetën. Në spitalet Covid aktualisht po marrin trajtim 153 pacientë, nga të cilët 24 janë në gjendje më të rënduar.
Vaksinimi është i hapur për çdo qytetar mbi 18 vjeç. Të gjithë mund të vaksinohen ë qendrën shëndetësore ose në pikën më të afërt të vaksinimit të përqëndruar. Ministria e Shëndetësisë ka bërë apel për vaksinim, pasi në këtë mënyrë mund të reduktohen infektimet e të shmangen hospitalizmet dhe fatalitetet nga Covid.
