Kosova ka pranuar ditën e sotme 38 400 dozat të tjera të vaksinës AstraZeneca. Lajmin e ka njoftuar Programi i UNCEF në Kosovë, duke shtuar se dozat vijnë nga programi i COVAX, prej të cilit është dërgesa e katërt.
Më tej bëhet me dije se në javët e ardhshme do të mbërrijnë edhe 521 820 doza të tjera të vaksinës Pfizer. Me vaksinat e dorëzuara sot dhe me ardhjen e vaksinave të tjera COVAX do të mbulojë 20% të popullsisë në Kosovë.
Njoftimi i plotë:
Sot, Kosova pranoi 38,400 doza të tjera të vaksinës AstraZeneca / Oxford COVID-19, të prokuruara nga UNICEF-i përmes COVAX-it. Kjo është dërgesa e katërt e vaksinave COVID-19 në Kosovë përmes COVAX.
Deri më tani, Zyra e UNICEF-it në Kosovë e ka mbështetur Ministrinë e Shëndetësisë me donacionin e 211,420 dozave të vaksinës COVID-19 përmes COVAX. Një dërgesë tjetër prej 521,820 dozave të vaksinës Pfizer-BioNTech COVID-19 do të arrijë në javët e ardhshme.
Me vaksinat e dorëzuara deri më sot dhe arritjen e vaksinave tjera në javët e ardhshme, UNICEF-i përmes COVAX do të mbulojë 20% të popullsisë së Kosovës
Ditë e sotme Kosova raportoi një rritje të ndjeshme të rasteve me Covid, me plot 221 infektime. Deri tani janë dhënë 460.297 doza të vaksinës në të gjithë vendin.
