Të martën, disa fshatra të Gramshit u përfshinë nga zjarre masive, duke shkaktuar një bilanc tragjik: 1 viktimë, 8 të plagosur dhe dëme të konsiderueshme materiale.
Për shkak të përhapjes së shpejtë të flakëve, autoritetet urdhëruan evakuimin e menjëhershëm të banorëve të fshatit Skënderbegas, si dhe të fshatrave Ërmenj, Harunas dhe Zenelas.
Pasditen e së njëjtës ditë, në njësinë Skënderbegas mbërritën pakot e para me ndihma për banorët e evakuuar.
Janë shpërndarë 165 pako nga kampingu i rezervave shtetërore, pjesë e Ministrisë së Mbrojtjes. Ndihmat synojnë të sigurojnë akomodimin e të gjithë familjeve të larguara nga banesat e tyre.
Ndërkohë, në terren po mbërrijnë me kamion mbi 120 krevate, çadra, dyshekë dhe çarçafë, për t’u ardhur në ndihmë të prekurve nga kjo situatë emergjente.
