Në aeroportin e Rinasit kanë mbërritur 40800 doza vaksinash nga Astra Zeneca nëpërmjet programit COVAX. Lajmin e ka dhënë kryeministri Edi Rama me anë të një postimi në rrjetet sociale. Ai ka publikuar një foto nga operacioni i marrjes në dorëzim të vaksinave. Rama ka theksuar se jemi të vendosur ta çojmë deri në fund planin kombëtar të vaksinimit, për mbrojtjen e jetës dhe shëndetit të çdo qytetari.
Gjithashtu më tej Rama shkruan se rreth 899.550 vaksina AntiCOVID, kanë mbërritur deri tani në Shqipëri dhe lajmëron se sasi të reja vaksinash do të vijnë në ditët në në vazhdim në bazë të planit të kontratave që kanë siguruar.
“✈️ Aeroporti “Nënë Tereza”- 40,800 vaksina AstraZeneca, pjesë e financimit të qeverisë shqiptare, nëpërmjet instrumentit COVAX sapo kanë mbërritur në Tiranë😍
🧪 Me 899,550 vaksinat AntiCovid që kanë mbërritur deri tani në Shqipëri dhe sasitë e tjera të vaksinave që do të vijnë sipas kalendarit të kontratave që kemi siguruar, jemi të vendosur të çojmë deri në fund planin kombëtar të vaksinimit, për mbrojtjen e jetës dhe shëndetit të çdo qytetari 🙌🏼
#ShqipëriaBuzëqesh🌼
#SkaKohëPërPushim🏃🏻♂️”, shkruan Rama.
Kujtojmë se procesi i vaksimit në vendin tonë po ecën me ritme të shpejta dhe kategoritë që janë vaksinuar deri më tani janë ato të moshuarve, bluzat e bardha, uniformat blu, gazetaret e terrenit, të sëmurët kronikë dhe ata mbi 65 vjeç, operatorët turistik, mësuesit dhe punonjësit e transportit publik.
