Ditën e sotme kanë mbërritur 24 040 doza të vaksinës anti-Covid në vendin tonë. Lajmin e ka bërë me dije ministrja e Shëndetësisë, Ogerta Manastirliu e cila shkruan se 10 mijë doza të AstraZeneca kanë mbërritur në mbrëmje në aerportin e Rinasit, e po ashtu atyre i janë bashkuar edhe 14 040 doza të vaksinës Pfizer, pjesë e kontratës së qeverisë shqiptare si dhe mbështetjes së Bashkimit Europian. Ndërkohë, dozat e AstraZeneca kanë qenë mbështetje e Qeverisë së Kroacisë për vendin tonë.
Ndër të tjera, Manastirliu bën me dije se që nga dita e nesërme do të fillojnë dy ditët e vaksinimit të hapur për të gjithë qytetarët që janë mbi 18 vjeç.
Postimi i plotë nga Ogerta Manastirliu:
24,040 vaksina anticovid sapo kanë mbërritur në Shqipëri😍
Në Aeroportin “Nënë Tereza” mbërritën sot 14,040 doza të vaksinës Pfizer, pjesë e kontratës së qeverisë shqiptare si dhe mbështetjes së Bashkimit Europian, ndërsa në mbrëmje mbërritën në IShP edhe 10,000 doza të vaksinës AstraZeneca, mbështetje e Qeverisë së Kroacisë për vendin tonë.
1,103,690 doza vaksine anticovid kanë mbërritur deri tani në , teksa nesër nisin dy ditët e vaksinimit të hapur për të gjithë qytetarët mbi 18 vjeç ✅
#ShqipëriaBuzëqesh
Kujtojmë që vaksinimi në vendin tonë ka nisur prej muajit janar fillimisht me stafin mjekësor që mori dozat e para, të moshuarit dhe më të rrezikuarit nga Covid dhe ka vazhduar me policinë, gazetarët e terrrenit etj.
