Tashmë Kryesia e Partisë Demokratike ka dalë në një vendim unanim duke pranuar djegien e mandateve të propozuar nga Lulzim Basha.
Në një deklaratë për median, pas daljes nga mbledhja, Basha ka folur edhe për reagimin që Ambasada e SHBA-ve ka pasur ndaj vendimit që opozita ka marrë.
Ai ka thënë se nuk komenton të tilla deklarata të ardhura nga përfaqësitë e huaja.
“Unë nuk komentoj kurrë asnjë deklaratë të përfaqësive të huaja në Tiranë. Por dua t’ja u them fare qartë, se për PD dhe për mua nuk ka frymëzim më të madh se sa SHBA dhe demokracia amerikane”, deklaroi Basha.
Basha ka thënë se ky nuk është qëllim në vetvete, pra nuk ka qenë ky qëllimi i opozitës, por pas gjithë përpjekjeve kjo ka qenë mundësia e fundit për të arritur atë qëllim që ai e quan “madhor”
“Duam që të heqim këtë qeveri të krimit dhe t’ju japim shqiptarëve një qeveri të njerëzve. Nuk kërkojmë të marrim mandate nga krimi i organizuar”, theksoi Basha.
