Policia e Lezhës ka goditur një tjetër rast të shpërndarjes së lëndëve narkotike, këtë herë në zonën bregdetare të Shëngjinit.
Si rezultat i kontrolleve, janë proceduar penalisht gjashtë persona, përfshirë edhe shtetas të huaj.
Sipas njoftimit zyrtar, specialistët e Seksionit për Hetimin e Narkotikëve kanë referuar materialet në Prokurori, ku ka nisur procedimi në gjendje të lirë për veprën penale “Prodhimi dhe shitja e narkotikëve”.
Të dyshuarit janë shtetasit A. J., 25 vjeç, F. Y., 30 vjeç, si dhe D. C., 33 vjeç, K. A., 37 vjeç, P. P., 34 vjeçe dhe A. H., 33 vjeç.
Gjatë kontrolleve fizike dhe në automjetet me të cilat qarkullonin, efektivët e policisë kanë sekuestruar sasi të vogla lëndësh të dyshuara narkotike të llojit kokainë, kanabis dhe ekstazi.
Hetimet janë në vijim për të zbuluar nëse të përfshirët kanë lidhje me rrjete të organizuara që operojnë në zonat turistike të Lezhës.
