Ditën e sotme, Komisioni i Pavarur i Kualifikimit ka konfirmuar në detyrë Olsian Çelën, prokuror pranë Prokurorisë së Shkallës së Parë për Krime të Rënda.
Ky i fundit është edhe kandidat për Prokuror të Përgjithshëm.
KPK e ka dhënë këtë vendim në fund të seancës dëgjimore, ku i pranishëm ka qenë edhe vetë Çela por edhe vëzhguesit ndërkombëtarë.
Olsian Çela ishte i vetmi nga tre kandidatët prokurorë që nuk e kishte kaluar akoma Vettingun. Kalimi i Vettingut është kusht i domosdoshëm për vijimësinë e procedurave për kreun e organit të akuzës.
