Akuzat për ndihmë nga rusët janë kthyer tashmë në përditshmëri, mirëpo kjo nuk është pritur fare mirë nga ambasadori rus në vendin tonë.
Është mazhoranca ajo që është duke thënë se opozita ka përkrahjen e rusëve dhe njëkohësisht e kanë akuzuar se kontratat e lobimit i ka të paguara nga rusët. Për këto dy akuza në veçanti, ambasadori, Aleksandër Karpushin iu ka kthyer përgjigjen e merituar.
Nga studio e A2, Karpushin ka thënë se e kupton shumë mirë situatën e për më tepër mazhoranca e di se këto akuza janë të pathemelta dhe të rreme. Ai ka thënë se është shumë e lehtë të akuzosh rusët për të gjitha mëkatet e botës, sesa të marrësh përsipër zgjidhjen e problemeve urgjente që ka vendi.
“… ne e kuptojmë se është shumë më e lehtë të akuzosh rusët për të gjitha mëkatet e botës, sesa të merresh me zgjidhjen e problemeve me të vërtetë të ngutshme të vendit: të luftosh korrupsionin dhe krimin, të ndalosh emigrimin e popullsisë në moshë pune, dhe t’u bësh ballë shumë sfidave të tjera, me të cilat përballet jo vetëm Shqipëria, por edhe të gjitha vendet e rajonit. Për fat të mirë, populli shqiptar e kupton këtë gjë dhe nuk i merr seriozisht këto spekulime, ashtu si edhe shumica e ekspertëve dhe analistëve të këtij vendi”, tha Karpushin.
Ambasadori rus ka thënë se gjithë të thënat më lartë janë disi në rregull, por ajo që është shqetësuese janë deklarata ku udhëheqësit thonë se Rusia është kundër integrimit të vendit në Bashkimin Evropian.
“Sidomos zbavitëse është kur deklarata të tilla bëhen në Itali, me të cilën Rusia ka tradicionalisht marrëdhënie të shkëlqyera ekonomike dhe kulturore, si edhe ndërveprim shumë intensiv politik”, shtoi Karpushin.
