Maturanët kanë dalë sërish në protestë ditën e sotme përballë Ministrisë së Arsimit. Ata kërkojnë që të rivlerësohet teza e matematikës, pasi thonë se përmbante pyetje që nuk ishin në program. Ata protestuan në Tiranë dhe në qytete të tjera të vendit ditën e djeshme, pasi ishin të pakënaqur me nivelin e vështirësisë të testit të matematiks. Fillimisht maturantët u mblodhën para Ministrisë së Arsimit e më pas marshuan drejt Qendrës së Shërbimeve Arsimore.
Ata e paralajmëruan protestën sapo dolën nga porvimi I matematikës, pasi panë se provimi ishte shumë ndryshe nga modeli i tezës që iu ishte prezantuar. Qendra e Shërbimeve Arsimore e ka mohuar vështirësinsë e tezës duke thënë se përmbante pyetje të programit dhe se provimi ishte shumë i thjeshtë me raste nga jeta e përditshme.
Ministrja e Arsimit, Evis Kushi gjithashtu reagoi për protestën duke thënë se do të rishikohet niveli i vështirësisë së tezës dhe nëse teza ka qenë shumë e vështirë, do të ndryshohet pragu i pikëve.
Gjithsesi, maturantët nuk e ndalën protestën e tyre, duke vazhduar edhe sot me të njëjtat kërkesa. Ata kqërkojnë që të ulet niveli i pikëve për vlerësim e gjithashtu të anulohet VKM-ja që parashikon se provimet zënë 50% të mesatares për t’u futur në universitete, e të bëhet 40%.
