Deputeti Kujtim Gjuzi, edhe pas gjobës së marrë, deklaron se nuk do ta mbajë maskën në ambientet e jashtme. Ai tha se Rama nuk e ka çuar aktin normativ në Kuvend, kështu që nuk do t’i bindet këtij urdhri.
“Unë kam marrë një gjobë nga Policia e Shtetit, por nuk mund të njihen vendimet e Ramës kur ato nuk vijnë në Kuvend. Maska sipas mjekëve në Akademinë Kombëtare të Shkencave, thonë që maska nuk të mbron dhe deklaroj këtu se unë nuk do ta mbajë maskën”, tha deputeti Kujtim Gjuzi.
Bashkë me Gjusin, të enjten e kaluar morën gjobë nga policia edhe deputetët Florenc Spaho i PS-së dhe Alban Zeneli nga opozita parlamentare.
Sapo dolën nga seanca e Kuvendit, të 3 deputetët janë gjobitur nga policia, duke mos i shpëtuar ndëshkimit të parashikuar në aktin normativ.
Qysh prej një jave, qytetarët janë urdhëruar për të mbajtur maska dhe në ambiente të hapura si rrugë, park e kudo tjetër, si masë parandaluese për të frenuar përhapjen e COVID-19.
GazetaReforma.com
