4 persona janë arrestuar ditën e sotme nga policia e Korçës. Ata mashtronin vajza të mitura, madje edhe familjet e tyre duke i kërkuar për t’u fejuar, por në fakt ata thjesht i donin që t’i trafikonin në shtetin grek.
Ndaj këtij grupi janë lëshuar 7 urdhër arreste, por deri më tani në pranga kanë përfunduar vetëm 4 prej grupit, ata janë: Roland Luli (një i dënuar më par nga drejtësia greke me burgim të përjetshëm dhe i shpallur në kërkim), Mirel Pasho, Rezart Memetllari dhe Ermal Basho.
Ndërsa për kapjen e tre personave të tjerë por kryhen kërkime nga policia e Shtetit.
Skema që përdorte grupi kriminal ishte çnjerëzore. Pasi mashtronin familjet e vajzave në fjalë nga Pogradeci dhe Korça, me pretendimin se po fejoheshin, ata më pas i trafikonin drejt shtetit fqinj.
