Prokuroria e Tiranës “pajton” dy miqtë që përfunduan në gjykatë. I akuzuari është një biznesmen ndërtimi që shiti apartamentin dy herë duke mashtruar edhe të njohurin e tij.
Prokuroria e Tiranës ka kërkuar 5 vite burgim për biznesmenin e ndërtimit Andon Pango, të akuzuar për veprën penale të “Mashtrimit me pasoja të rënda”.
Pretenca është dhënë në gjykatën e Tiranës, pasi biznesmeni Pango ka mashtruar shtetasin Alush Alla, me shitjen e një apartamenti në zonën e “Kopshtit Zoologjik” në Tiranë dhe me një sipërfaqe dyqani.
Në përfundim të pretencës, prokurori i çështjes u tregua zemërgjerë dhe kërkoi pezullimin e ekzekutimit të dënimit me burgim të biznesmenit Alush Alla, dhe vënien e tij në shërbim prove për një periudhë 2 vjeçare.
Më tej prokuroria e Tiranës, kërkon që nga ana e të pandehurit Andon Pango, të riparohet dëmi financiar i shkaktuar Alush Allës, duke i kthyer shumën e parave të marë nëpërmjet mashtrimit ose të dorëzojë apartamentin. Pra, i akuzuari detyrohet të detyrohen të japë apartamenti ose do të kthehet në burg për 5 vjet.
Mes dy personave të përfshirë në këtë konflikt gjyqësor disa vite më parë ka pasur një marrëdhënie shoqërore, por biznesmeni i ndërtimit Andon Pango, në një marrëveshje kontraktuale për blerjen e një apartamenti dhe dyqani, e ka mashtruar mikun e tij, Alush Alla.
/Gazetareforma.com/
