Qeveria e Kosovës ka marrë vendimin për lehtësimin e masave anti-Covid gjatë mbledhjes së sotme. Në vazhdim do të lejohen dasmat deri në orën 01:00, por jo më shumë se 300 të ftuar. Në ambientet e jashtme lejohen grumbullimet me 70% të kapaciteteve të hapësirës.
Masat e reja:
Lejohen grumbullimet në ambiente të jashtme në kufizimin e shfrytëzimit të 70% të kapaciteteve të hapësirës
Organizimi i ahengjeve lejohet deri në ora 01:00 me kufizimin e shfrytëzimit të 50% të kapacitetit të hapësirë, por jo më shumë se 300 të ftuar
Lejohen aktivitete e klubeve të natës deri në ora 01:00 me kufizimin e shfrytëzimit të 50% të kapacitetit në ambiente të mbyllura, ndërsa deri në 70% të kapaciteteve në ambiente të hapura
Lejohen aktivitetet e shërbimeve të Gastronomisë me shfrytëzim hapësirë të 50% nga 05:00-23:00, përveç të premteve dhe të shtunave nga ora 05:00-00:00
Në hapësirat garuese në ambiente të mbyllura, lejohet prania e shikuesve deri në 15% të kapacitetit të hapësirës ndërsa me hapësirat garuese në ambiente të jashtme lejohet prania e shikuesve deri në 30% të kapaciteteve të hapësirës.
Ministry i Shëndetësisë, Arben Vitia ka thënë se sipas të dhënave të IKSHP-së, situate epidemiologjike është e qëndrueshme. Ndërkohë e detyrueshme do të jetë mbajtja e maskës, me përjashtim të rasteve specifike.
Bëhet fjalë për ecjen vetëm në ambientet e jashtme, gjatë drejtimit të automjetit, vetëm apo me jo më shumë se 4 persona, gjatë vrapimit, çiklizmit, ushtrimeve fizike, gjatë ngrënies.
Operatorët e transportit rrugor të udhëtarëve do të lejohen të punojnë me kapacitetin e plotë të ulësee, me kusht që personeli dhe udhëtarët të mbajnë maskën.
