Një ngarje rëndë u raportua ditën e djeshme në Maqedoninë e Veriut, ku fatkeqësisht mbetën të vdekur 10 persona dhe 6 u plagosën, mes tyre edhe një polic. Të qara, panik, situatë kaotike dhe vrasësi që qëllonte në mënyrë të rastësishme, kështu ishte dje në Cetinje, në Mal të zi.
“Situata ishte kaotike, gratë qanin, njerëzit ishin në panik, thoshin se burri ishte i armatosur dhe qëllonte çdo kënd që i dilte përpara”, thotë Milena për TVCG.
Ajo deklaron se u përpoq t’i afrohej vendit të ngjarjes për të parë se çfarë po ndodhte, por policia nuk e lejoi.
Sipas saj fillimisht nuk po kuptohej se çfarë po ndodhte dhe shton se edhe policia ishte e paqartë.
“Nuk ka pasur asnjë informacion zyrtar nga prokuroria dhe policia deri në orët e vona të mbrëmjes së djeshme”, kujtoi Milena.
Qyteti i Cetinjes, vendi ku ndodhi tragjedia, edhe sot janë në mosbesim. Mëngjesin e sotëm në rrugët e qytetit kishte heshtje dhe trishtim, sepse fjalët, thonë, janë të tepërta.
Ndërkohë, një burrë ka folur për vrasësin, raporton index.hr.
“Ai ka gjuajtur mbi 100 plumba. Ai ka qëlluar me karabinë”, tha një banor i zonës.
Si shkak të masakrës, qytetari tha se vrasësi së fundmi ka blerë një kamera të sigurisë dhe ka parë që dikush po i vidhte sende nga oborri.
“Ishte gjakftohtë, nga një familje e ndershme. Kush e di se kë vrau”, tha burri.
Një koleg i Boriloviçit deklaroi se “Vuk ka punuar në Parkun Kombëtar për më shumë se pesë vjet dhe ka qenë shef i shërbimit të higjienës mjedisore, i ngarkuar me rregullimin e parkut, ka qenë një njeri i zellshëm dhe punëtor, por së fundmi vërehej se kishte i tërhequr, ai ishte si një ujk i vetmuar. Vinte në punë, bënte atë që duhej dhe më pas izolohej duke u distancuar nga kolegët. Ai ishte një koleg dhe një mik që bëri gjithçka në jetë për të ndihmuar ata që i donte”, tha për Pobjeda.
