Detar Hysi, avokati i Anterio Kaloshit, një nga të dënuarit me burgim të përjetshëm për “Masakrën e Lushnjës”, ka kërkuar që klienti i tij të dalë nga regjimi i posaçëm 41 bis, ku u vendos pas një vendimi nga ministri i Drejtësisë Ulsi Manja, të aprovuar më pas nga Gjykasta e Posaçme. Raportohet se Hysi ka kërkuar që Anterio Kaloshi të dërgohet në burgun e Burrelit, ku qëndronte para futjes në izolimin e posaçëm.
Gjatë seancës ka pasur debate, ndërsa raportohet se togat e zeza të Gjykatës së Posaçme kanë kërkuar nga Ministria e Drejtësisë provat për shkakun e izolimit të Anterio Kaloshit. Gjykata e Posaçme i ka lënë kohë Ministrisë së Drejtësisë për dorëzimin e provave dhe për të argumentuar faktet që sipas këtij intistucioni, Kaloshi është i rrezikshëm dhe duhet të mbahet në regjimin 41 bis.
Anterio Kaloshi u arrestua në 13 gusht 2020, pasi bashkë me disa persona të tjerë qëlluan me kallashnikov drejt një Hoteli në Pogradec. Ndërkohë Orges Bilbili u kap në 10 prill 2020 në zonën e Xhamllikut në Tiranë, pasi u plagos nga një efektiv policie të cilit tentoi ti largohej për të shmangur kontrollin. Dy të pandehurit u cilësuan fajtor për akuzat e “vrasjes me paramendim për hakmarrje”, “vrasje në rrethana cilësuese” dhe “grup të strukturuar kriminal”. Ndërkohë në një proces tjetër, për këtë vrasje po gjykohet Laert Haxhiu, i konsideruar si organizator i ngjarjes.
