Këtë të hënë forca të shumta policie të rearteve speciale FNSH dhe RENEA zbarkuan në Fushë Kuqe ku ndodhet banesa e të shumë kërkuarit Ervis Martinaj. Eksperti i kriminalistikës Ervin Karamuço në emisionin “ABC Live” ka zbardhur detaje të reja në lidhje me këtë operacion të befasishëm ku u bënë kontrolle të imtësishme në shtëpinë e të shumëkërkuarin, fati i të cilit është ende mister.
Sipas ekspertit operacioni i sotëm tregon se Martinaj po kërkohet i gjallë, ndryshe nga aludimet se ai mund të jetë rrëmbyer dhe më pas zhdukur. Më tej Karamuço u shpreh se aksioni fillimisht ka nisur në Vlorë, ku edhe pati një operacion nga FNSH.
Më pas informacioni sipas Karamuços ka ardhur, se Ervis Martinaj mund të kalojë Krishtlindjet me familjen e tij në Fushë Kuqe, pas 5 muajsh i zhdukur.
“Po kërkohet për të gjallë. Nuk ka filluar aksioni në Fushë Kuqe por fillimisht në Vlorë. Ka pasur informacion që mund të jetë vendndodhja e mundshëm e Vis Martinajt. Sot janë zhvendosur në Fushë Kuqe.
Sot jemi në ditë festash krishtlindjesh. Dhe mundet që personazhe të tilla të bashkohen me familjen.
Ka infrastrukturë për t’u vendosur dhe ikur në vende përreth mbi dhe nën tokë. Zona është e monitoruar me kamera me sensor me gjithçka është e ruajtur. Nuk dihet se RENEA ka pasur informacione për këtë teknologji.” tha Karamuço.
