Në Gjykatën Kushtetuese do të zhvillohet sot seanca për marrëveshjen Rama-Meloni, pasi po shqyrtohet kërkesa e 30 deputetëve të opozitës, të cilët e kanë quajtur këtë marrëveshje si antikushtetuese.
Kujtojmë se para pak ditësh Dhoma e Deputetëve në parlamentin italian i dha dritën jeshile marrëveshjes, duke e votuar me 155 vota pro dhe 115 kundër.Vendimi përfundimtar për ratifikimin e kësaj marrëveshjeje do t’i takojë Senatit.
Më 6 nëntor 2023 kryeministri Edi Rama dhe kryeministrja italiane Giorgia Meloni nënshkruan në Romë marrëveshjen për ndërtimin në Shqipëri të dy qendrave për strehimin e emigrantëve.
Sipas marrëveshjes porti i zbarkimit do të jetë Shëngjini, ndërsa Gjadri do të jetë kampi ku do të ndërtohet vendqëndrimi i tyre. Kapaciteti maksimal pritës është 3 mijë shtretër.
