Zyrtarët e Britanisë së Madhe vazhdimisht kanë evidentuar emigracionin si problem serioz. Ndërkohë që ministri britanik i Emigracionit, Robert Jenrick, me shumë entuziazëm deklaroi përpara parlamentit se pas lidhjes së marrëveshjes mes Shqipërisë dhe Londrës zyrtare, janë kthyer mbrapsht 3.500 emigrantë shqiptarë.
Sipas tij, ka një rënie të ndjeshme me 90% të shqiptarëve që arrijnë tashmë në Britaninë e madhe në mënyrë të paligjshme. Deri më tani, gjatë këtij viti janë kthyer 12.600 klandestinë, shifër kjo 75% më e lartë se e njëjta periudhë e një vitit të shkuar, raportoi Jenrick.
Ministri i Emigracionit në Angli i tregon parlamentit shifrën e shqiptarëve të depërtuar
Ministri shtoi më tej se emigrantët që do të zbulohet se kanë bërë raportime të rreme mbi historinë e tyre, do të përballen me dënime të ashpra. Rregullat e reja, sipas tij, ndjekin aktin historik të Migrimit të Paligjshëm, i cili, së bashku me dëbimin në Ruanda, do të sjellë ndryshime vendimtare për të hequr të gjitha stimujt që i shtyjnë emigrantët të ndërmarrin kalime të paligjshme nga Franca.
Ministri shtoi më tej se teksa plani britanik po funksionon më së miri sipas tij, në Bashkimin Europian emigracioni i parregullt po rritet. Në Itali, rritja e numrit të klandestinëve është 100% theksoi ai, krahasuar me 20% që regjistrojmë në Mbretërinë e Bashkuar.
